أنــا عذرتـكـ بالرحيــل ... والحمل من دونكـ ثقيل ..

ودعتك وقلبي معاك .. ولاقدرت أودعه
ابسألك لو مارجعت .. وشلون أنا برجعه

*
*

مادامك أكثر من يغيب .. ولا تركت إلا حبيب
ان طالت الرحله عليه .. أكثر مسافاتك معه

*
*

منت الأخير منت الأخير .. اللي نسوا قبلك كثير
لكنك الخل الوحيد .. اللي خذاها من سعه

*
*

ماكن لك دمع وعيون .. الا جفيتك يزعلون
ياما سهرت بخاطري .. تنثر شتاتك وأجمعه

*
*

واللي يبي الفرقى خلاص .. يلقى سبب لأجل الخلاص
لو مايخونه أي حبيب .. يقوى هواه ويمنعه

*
*

أنا عذرتك بالرحيل .. والحمل من دونك ثقيل
ودعتك وقلبي معك .. قلبك متى بأودعه ؟

مع خاااالص تحياتي

تحيه وتقدير لهذا الطرح الرائع

يعطيج العافيه
اتمنى ان يدووم هذا الينبوع المتدفق من الا بداع
كم سرحت بين ابيات هذه القصيده الرائعه
دمتي ودام تو اجدك هنا
مع شكري و تقديري

خجلتيني بكلامج تسلمين
نورتي الموضوع بتواجد العطر